Latest Survey sa Luzon at Iba Pang Survey Kalokohan!

Bago ko sinulat ang artikulong ito ay matagal ko na ring napapansin na tila may mali sa mga survey. Isa na sa pinaka walang kwentang survey ang kalalabas lang na survey na ginawa sa Luzon ng SWS. Tama ba na apat na pangalan lamang ang ilagay sa pagpipilian ng mga kandidato? Tama ba na sina Noynoy, De Castro, Villar, Erap at Chiz ang nakalagay? Tapos sasabihin ng marami na sila ang lamang?

Hindi ko tinatawaran ang kakayahan o ang resulta na nangunguna si Noynoy pero ang dapat sana ay isinama maging ang iba pang kumakandidato tulad nina Bro. Eddie, Nick Perlas, Gilbert Teodoro at Bayani Fernando.

Ang mga resulta ng ganitong survey ay nagbibigay ng maling kaisipan sa ating mga botante. Aakalain ng ilan na wala nang iba pang kumakandidato maliban sa mga nakalista at aakalain nila na ang mga ito lang ang talagang seryoso at mananalo.

Para sa akin ay may standard dapat na sundin o patakaran ang mga ganitong survey lalo pa at kinabukasan ng ating bayan ang nakasalalay. Kahit sino pa ang magpasurvey dapat ay kasama ang lahat ng kumakandidato o kakandidato ng sa gayon ay hindi naman mabigyan ng maling impormasyon ang ating mga kababayan.

Huwag po tayong umasa lang sa mga survey kung sino ang ating iboboto kundi pumili tayo ng naaayon sa ating konsensya at para na rin sa ating bayan.

Gising Bayan!



Also Visit My Other Blogs
| Newz Around Us | Ordinary People, Ordinary Day |